讀王羅蜜多台語小說集《地獄谷》

 文訊書評4 

具有詩意的小說敘事

：讀王羅蜜多台語小說集《地獄谷》

向陽

 

王羅蜜多(1951~)是近十年來崛起於台灣文壇的作家。他以詩出道，2012年出版第一本詩集《問路 用一首詩》，已入花甲之年，已故詩人羊子喬是他高中同學，為他的詩集作序，以〈花甲之年的詩語〉為題，盛讚他的詩「意象鮮明」、具備「人生的哲思」。這十年間，他一路奮進，截至2020年推出台語詩集《大海我閣來矣》，總共出版了七本詩集。作為晚出的詩人，創作成果豐碩，特別是在台語詩的書寫上更是傑出，能夠拓寬台語詩的既有格局。 

《地獄谷》是王羅蜜多的第一本台語小說集，收錄他自2016年開始投入台文書寫之後發表的短篇小說九篇、極短篇八篇，主要發表刊物以台語文學重要雜誌《台文戰線》為多、《台江台語文學》次之。九篇短篇中，就有七篇得過全國性和地方性的重要文學獎，其中，〈台灣維基：選舉虎〉獲2017年台文戰線文學獎台語短篇小說首獎、〈雙眼〉獲2018年教育部閩客文學獎社會組小說首獎、作為本書書名的〈地獄谷〉獲2019年台南文學獎台語小說首獎，並收入甫出版的呂美親主編的《台語現代小說選》，凡此都足見他在台語小說書寫上的語文運作和藝術成就，已然普受肯定。 

從詩人到小說家，王羅蜜多的書寫越界顯然相當成功。小說以敘事為主調，人物塑造、對話、結構，乃至場景，無一不需顧及；而詩則以抒情為主調，寫景寫情寫意，也長於情境的醞釀，王羅蜜多在這本小說集中充分發揮他的詩才，鎔鑄於小說之中，透過詩意的場景細描，烘托小說故事發展的情境，因而使得各篇主題不一的小說，在敘事過程中但有相當的詩意，而愈發引人讀興。隨手舉來，如寫台灣選舉現象的〈台灣維基：選舉虎〉，寫到開票進行過程的這一段： 

天色漸漸暗，月娘佇虎頭山彼爿浮出來。遠遠鳥隻一陣一陣，天頂恬喌喌，一點仔聲說都無。這時陣，三个服務處，西爿謝真煌，南爿大枝的，北爿巷仔內鄭志清的老厝，攏聽無炮仔聲，每一个候選人佮支持者攏耳空搤利利咧聽別人有放炮無。 

以天色漸暗，月亮浮出，遠方飛鳥，天際沉寂無聲的場景，襯托開票結束前三位候選人服務的緊張情緒，就是高明的寫法。又如描寫地方縣議會議長選舉齊聚北投醜聞的〈地獄谷〉的這段：「除了挾佇中山路佮光明街斜角彼个公園，附近樹木無濟。壁角有幾欉野花開甲妖嬌美麗，搭近水溝的幾欉榕仔，𤲍佇內底的一欉牛樟，攏鋸甲歪膏揤斜，樹葉仔焦蔫袂精采。」既寫地景，也暗喻北投風月場所，以及地方政客的「歪膏揤斜」。這是王羅蜜多以詩意入小說的敘事特色。 

就小說的題材來說，《地獄谷》可觀之處尤多。首先，一如小說家胡長松在本書〈代序〉所說，王羅蜜多「誠gâu 寫政治、社會的現實，筆尾詼諧、諷刺，是我完全寫袂出來的台灣風俗圖（浮世繪）」。他寫台灣的地方政治奇觀、醜聞，如〈台灣維基：選舉虎〉的國民黨籍地方議員買票現象；如〈地獄谷〉中的地方議會正副議長選舉、北投溫泉鄉中諸多議員花天酒地的嘴臉；如〈阿猴〉中的主角阿猴參與地方政治，最終墮入染缸，受到汙染的過程，都活靈活現，將當前台灣地方政治的傾斜，寫得細緻入骨。作為政治小說，這幾篇作品以諧趣、諷刺的敘事語言，讓我們看到台灣民主化之後仍然去之不易的政治惡質文化的存在。 

其次，這本小說集可觀者還有對台灣歷史事件的刻繪與省思。〈𢯾壁鬼〉和〈雙眼〉兩篇都以1915年(日治大正4年)發生於台南的「噍吧哖事件」(又稱「西來庵事件」、「余清芳事件」)為題材進行書寫。〈𢯾壁鬼〉以魔幻寫實的筆法，從主敘事者「我」在日本宿舍中驚見一個日本時代的警察(𢯾壁鬼)寫起，透過「我」發現並閱讀一本紀錄噍吧哖事件的警察日記，雙線進行小說敘事，虛幻與真實、歷史與現時穿插對照，帶出噍吧哖事件發生時的一段日記主人與「雪玉」發生的苦戀。在寫作技巧上，兩條敘事線互相交叉，寫出日治時期台灣人面對反抗與妥協的認同難題。文字細膩如詩，可讀性甚高。相對應的〈雙眼〉，從大目降(新化)某工程挖出疑似噍吧哖事件三千多具屍骨寫起，同樣採雙線敘事方式，透過自稱是江定「乾仔孫」的廖溪河敘述的故事，帶出噍吧哖事件，以及參與首領之一江定的生平，最後收結於醉酒的廖溪河跌落頭前溪河床，面對黎明晨光，想到江定的雙眼也一定在祝福他……。這兩篇小說處理噍吧哖事件，不僅是處理已經過去的是歷史，同時也隱含著對台灣被殖民記憶的挖掘，以及台灣人認同的深層課題，都頗具可讀性。 

用小說，特別是短篇小說，處理台灣的政治問題和被殖民史，是相當不容易的書寫，關涉到寫作者對於政治題材是否掌握得夠深入、觀察得夠透徹，且對人性的貪婪、慾望有著相對的理解。王羅蜜多筆下出現的政治人物，多是地方型政客，他勾描他們的聲喟、神情、語言，都能入木三分，且能以諧謔的手法，呈現小說人物的正邪兩面性；加上他的台語運用自然純熟，儼然說書，又以詩意的筆法，於情節中醞釀情境，更使小說的可讀性強化不少，不輸其他小說名家。 

《地獄谷》作為王羅蜜多的第一部小說集，能有如是醇厚、成熟的表現，無疑是新世紀以來台語文學在短篇小說書寫上的又一豐收。相較於1970年代台灣鄉土小說家「敘事華文+對話台文」的書寫模式，像王羅蜜多這樣，能夠純熟駕馭台灣話文、進行全台文寫作的台語小說家所在多有，這是台灣文學史家不能再視而不見的「文學真實」，也是台語文學發展到新世紀之後開出的新蕊；而以詩意貫串於小說敘事之中，則是王羅蜜多的獨家絕活，期望他在《地獄谷》之後持續以繼，為台語文學再開新路。 

──《文訊》442期，2022年8月1日，頁130-132。

讀鄭順聰詩集《我就欲來去》

 【文訊書評】1

新時代的台語詩 ：讀鄭順聰詩集《我就欲來去》

向陽 

台語詩的發展從1930年代開始發軔，迄今也將百年，但過程相當坎坷：1930年代黃石輝和郭秋生主張「台灣話文」，提醒殖民地台灣的文學創作者，在日文書寫已成主流之際，要「用台灣話做文，用台灣話做詩，用台灣話做小說，用台灣話做歌謠，描寫台灣的事物」，因而掀起台灣文學史上第一次鄉土文學論戰。然而，其後因為進入皇民化時代，漢文被禁，台灣話文的書寫未能延續，只殘存賴和、楊華、吳新榮……的部分詩文，留供今日的我們憑弔。

戰後又因白色恐怖統治與「國語政策」雷厲風行，直到1970年代才開始出現台語詩的創作，以林宗源為起始的台語詩人逐漸冒出，進入1980年代後逐漸蔚成一股力量；但要到1990年語言學家鄭良偉編《台語詩六家選》之後，才在台灣詩壇取得一小塊灘頭。

從1990年迄今，三十年過去，在眾多台語詩人的書寫與台語傳播媒體(包括詩刊)的努力下，台語詩的發展已經相對蓬勃且成熟(儘管華語詩仍是主流)，出現不少能夠掌握台語異於華語之優勢(如聲韻的音樂性、語腔的在地性)的詩人，他們以純熟的台語，化用技法和語言，展現出足以和後現代詩潮抗衡的後殖民美學，詩人鄭順聰就是其中引人注目的一位。

鄭順聰十七歲(1976年)就開始寫作，2009年出版第一本詩集《時刻表》，2016年續出《黑白片中要大笑》，兩本都以華文寫作，出身中文系的他，這個階段的詩作流露濃厚的華語風，有古典的婉約之美，也有現代的剛健之風。進入不惑之年(上卌)之後，他感到向來以華文寫詩的「礙虐」：「意思袂透機，字句硬掙，喙口無利便，我的詩句和我的心啊！就是無法度全然對同。」

正是這樣的醒悟，他的筆開始從華文轉為台文，一方面用實際的行動推展台語台文，一方面也開展了他的台語詩寫作。這本台語詩集《我就欲來去》就是他從2014年到2019年的創作成果的總呈現。

《我就欲來去》依書寫形式和題材分為三輯，輯一「十四逝詩（Tsa̍p-sì-tsuā-si）」，收十四行詩(也稱商籟體)十四首，依詩人自述，寫作十四行詩係因為在翻譯英語詩的過程中「發現Shakespeare彼Sonnet的氣味參台語真成，就那翻那唸那共彼氣口盤入去我的創作」，這輯詩作在形式上並無突破，但是在台語語言的運作上則有相當精彩的表現，他掌握了並且活用了台語的「氣口」入詩，於是與華文詩界的十四行詩有了相異的氣韻。如〈這條路著愛來行落去〉：

這條路著愛來行落去 日頭按怎熁，按怎逼 按怎予土地滾絞哀啼 這條路猶原愛行落去

胸坎親像一張紙 手來絞，心就凝 艱苦結規毬 敨袂開，裂袂離 路毋知盡尾佇佗位 攑頭看著雲飛過去 共膨紗㨨甲遠遠遠 自山過平洋到海彼爿

這土地啊有我愛過的恁 這條路一定愛行落去

這首詩以抒情的筆調寫土地之愛，詩中用了不少台語「氣口」的詞，如「日頭按怎熁」的「熁」(hannh)，熱氣逼人；「滾絞」(kún-ká)，翻騰、滾動、扭絞；「敨」(tháu)，解開；「㨨」(liû)，拆解……，都是台語日常用語，與華語的詞彙蘊義未盡相同，因而讓整首詩的氣韻更形活跳。

輯二「自由詩（Tsū-iû-si）」，共四十八首，是詩集的重心所在，詩人寫日常生活所見所聞、所思所想，主題不一，技法多變，形式表現也相當多樣，除了當代台語詩人擅長的地誌、心境、批判、敘事書寫，以及掌握台語聲韻的「歌詩」之外，鄭順聰也大膽進行台語詩的語言實驗，如〈欲無去的物件〉以組詩形式寫〈魔王〉、〈妖精〉、〈囡仔〉、〈真鬼〉之後，最後以〈□□〉小詩總結題旨：

錢 無夠 去呼人 大樓愛粗 全世界組織 傳慈悲的電波 宇宙光年催落去 喂！喂！小等一下 恁共□□拍交落矣啦

這首詩是諷喻之詩，嘲諷資本、資訊社會的種種怪象，末句以「恁共□□拍交落矣啦」嘆句收尾，拍交落(phah-ka-la̍uh)，掉落在地，充分解構了資本社會的虛假與空洞，一如「□□」。這類實驗性強烈的詩作尚有〈人類巡航注意事項〉，以及將台語散文敘事與古漢詩並置，具有反殖民意涵的〈林中記〉等。

最後一輯「心情字（Sim-tsiânn-jī）」，則是鄭順聰以松尾芭蕉俳句為師，轉化、新創的台語詩，共四十則。俳句，是由五、七、五共十七個日文音組成的定型短詩，其中多用「季語」(指示特定季節的詞語)成之。鄭順聰這輯詩作並不墨守日本俳句的成規，而是以散文詩的形式，不拘一格，落筆成章，衍生出一個台灣旅人遊賞自然景色的心境，以第一首為例：

光猶咧孵，紺色暗暗湠規鉼的天，自車內 予我窗仔的框拗彎角度，雲是嗽出來的 滓，連鞭有焱焱爍的日頭來洗汰。

這首詩寫黎明前車窗所見景觀，相當生動，「光猶咧孵」(天光尚未成形)，下接「紺色暗暗湠規鉼的天」(深藍色暗暗擴散整片天空)，獨立來看，就是意蘊無窮的好句；「雲是嗽出來的滓，連鞭有焱焱爍的日頭來洗汰」(雲是嗽出來的汙垢，等著紅通通的太陽來刷洗)，也是。在意象語言的運用上，「心情字（Sim-tsiânn-jī）」這輯詩作突破了台語詩向來較重敘事而輕意象的既有書寫，無論是否能與芭蕉俳句相協，其突破性和開創性已為台語詩書寫開出了一條新的途徑。

在台灣各種紀念文協百年活動的活動中，1930年代出發的「台灣話文運動」似乎被遺忘了，幸好有鄭順聰這本台語詩集《我就欲來去》在2021年年末問世，稍可彌補文協百年各式活動的不足。新的世紀會有新的台語詩，無論語言、形式或內涵，都將因新的書寫者加入而有更開闊的格局。鄭順聰在詩集〈後錄〉中自我期許「欲來出新時代的台語詩」、「改換氣味，用樂暢順耳的歌詩攑頭旗」，他已經做到了，至於能否「攑頭旗」，就看他未來的持續與創作了。

──2022/01/10 ‧ 《文訊》雜誌，436期，2022年2月1日，頁135-137。

讀黃徙台語詩冊《台江大海翁》

 翻轉台語新詩風

──讀黃徙台語詩冊《台江大海翁》

向陽

 

一、 

詩人黃徙近年以來寫袂少台語詩作，伊的台語詩用字用詞攏誠媠氣，而且會當照顧著詩的美學要求，佇台語音韻的掌握、雅言的運用佮意象的處理面頂，攏有真奇巧的表現。這本詩冊《台江大海翁》會用講就是伊的台語詩總體的成果展現。 

《台江大海翁》規本分做4卷，收入130首台語現代詩，創作量比較起來誠驚人，顯然黃徙這幾冬來全精神拚勢去做的代誌，就是寫作台語詩。佇這本新冊內底，伊寫人間世事的愛佮恨、生離佮死別，嘛寫咱人生存在世的生命觀，遮的詩篇攏收佇卷一「輪迴倒轉來」這輯內底，論真來看，每一首詩篇攏有詩人的身影，是詩人生活、生命佮伊的受、想、行、識的透露。30首詩的主題，就題目來看，量其約掠一下，有「愛恨情仇」、「生死檔案」、「生離死別」、「酒色財氣」、「日常生活」(油鹽柴米酒茶醋)、「火的一生」等六个層面。這六个層面嘛就是咱人活踮這个世界攏著面對的代誌，伊分開用主題的角度來寫，的確會當較深入、較詳細將生活的細節、生命的意義突顯出來。 

伊寫日常生活特別予人有感慨。親像這篇〈鹽：莫閣出世蹛海邊〉： 

覆佇平地
無日頭嘛金爍爍
跁上山頂
無落雪也白熠熠
來到古井看著家己
明明有鋩有角
光線照著嘛七彩色
是按怎無人叫你璇石 

你無生跤按怎地球走透透
無生目睭按怎知影好額人嫌傷鹹
散赤人嫌你傷重
一布袋換無三占錢
一粒田螺九碗湯
按呢過三頓，我是你
莫閣出世蹛海邊
人咧耍水袂去想著你 

這首詩用佮鹽講話的方式，寫出生做「鹽」的悲哀，「一布袋換無三占錢/ 一粒田螺九碗湯」，深刻寫出「鹽」成做「俗物」的卑賤、海邊漁民食飯攪「鹽」的困苦。另外，像〈醋：有糖就好唌〉這篇： 

醋攏會覕佇酒後壁
等查埔人醉啦
才雄雄掠狂走出來
酒若閣發酵
醋就會愈來愈囂俳
你無假死講伊上媠袂使
上好，像花蕊共春天司奶
像焦枝向雨水討欲暴穎
醋，伊
有糖有甜就好唌
媠查某囡仔
恁講有影無影 

這是用孽譎仔話寫的詩，詩人將酒佮醋用查埔佮查某的情愛關係來寫，「像花蕊共春天司奶/ 像焦枝向雨水討欲暴穎」，形容鮮沢，誠無簡單。 

二、 

來到卷二仝款30首，卷名號做「黃昏隔壁等你」。30首詩篇攏是地誌詩，主要是描寫咱台灣西海岸的光景參風土的媠。地誌詩佇台語詩的寫作，算來已經有誠長的歷史，自1920年代蔡培火寫〈咱台灣〉到今，濟濟詩人就用詩來寫土地、寫地景。黃徙這輯詩篇，寫了真優美，有聲韻的媠，嘛有景緻的媠，開頭第一篇〈上媠的風景〉就盡展出來矣：

黃昏會媠是日頭欲離開
閣伸手共人搝牢牢
行袂開跤，一直翻頭
共滴落塗沙的目屎
一滴一滴
唚予焦

海岸會媠是漁船仔欲轉來
海湧十八相送到岸墘
船聲慢慢仔倚來
船影跳上岸開始纏
纏甲查某人伊規身軀 
賰兩粒澹澹的目睭

阿公的喙鬚披佇八仙椅做手挲
阿媽的喙瀾
含佇孫仔跋倒的影做糊藥
阿爸的手，摸著箸籠
就知影輕重
一間厝有序大人
照起工拍開門窗
予春夏秋冬入來陪囡仔大漢
按呢，敢是上媠的風景 

這首詩自黃昏、海岸的媠寫起，收煞佇阿公、阿媽、阿爸遮的序大人「陪囡仔大漢」的親情，情深意厚，土地佮親情滿載，溫情十足。伊寫〈西螺彼扇窗仔門〉，講西螺大橋是「濁水溪的目睭」，形容真四配；伊寫大甲溪，用「一早起日光共妳幔一領衫/ 左肩右肩攏平輕/ 四箍輾轉山景穿上身/ 坐落，萬紫千紅佇外面/ 花叫鳥聲，聲聲上桌頂/ 大喙大喙共食落/ 菜根花心叫疼，大甲溪/ 幸福的名」，宛然若歌，讀來心適閣好聽；伊嘛寫新社的花海、卓蘭大峽谷、七股海墘、北門井仔跤、鰲鼓半島、桃園沿海的藻礁、汐止磐石嶺……，一路寫到台江，寫道詩人的故鄉四草──遮的詩攏充滿感情，有對土地誠深沉的感恩參意愛。 

紲落來卷三「台江大海翁」35首詩，延續卷二的寫作，題材囥佇台灣西海岸討海人討海掠魚、養殖的形影佮心聲。伊寫牽虱目魚、牽罟、掛網笱、拋手網、吊罾的討海圖，嘛寫討海人探更寮仔、跳烏、掠鰻仔栽、通溝、攄魚栽的生活，攏是台語詩誠少寫著的題材。遮的詩作，毋但是地誌詩的延伸，嘛是台灣海洋詩的佳作，開闊台灣海洋文學的內涵，有特別重大的意義。 

三、 

煞尾卷四「江山咧等你」35首，就詩論詩，是這本詩冊上精彩的所在。這輯的詩篇，充滿各種奇巧的變化，嘛有誠濟脫出台語詩創作箍圍仔的全新表現。親像古詩反過來寫的技巧運用，展現台語詩創作的新思維參新形式。其中，干焦「古詩反過來寫」系列詩作就有10首，第1首〈敢會杜甫咧臭彈〉按呢寫： 

花，濺淚，921
沿路，澹糊糊
叫聲閣黏佇爛塗
等江山裂開，册拆散
句句才有當聽 

心，著驚，小林村
規逝，鳥隻綴著飄流木
一離別隨到枉死城
毋知影這改出來，底當時
才閣會當倒轉去厝內 

猶未到烏暗的盡磅
看無任何火燒過的影
聽無白頭毛落落的聲
是按怎？見著花蕊
濺淚若濺水 

敢會杜甫咧臭彈？ 

這首詩用中國古詩人杜甫名作〈春望〉做伊的文本，針對杜詩「感時花濺淚，恨別鳥驚心」這兩句來反寫；黃徙用1999年921大地動佮2009年莫拉克風颱小林村滅村的災情，寫出比「花濺淚」、「鳥驚心」閣較悽慘的世紀災難，每一句攏是沉重的喝咻之聲。「反過來寫」一方面是「反」杜詩「敢會杜甫咧臭彈」，表示921地動佮小林村滅村災情的慘重，連「花濺淚」、「鳥驚心」攏無法杜形容；另外一方面是，用後現代的筆法，翻轉杜詩(成做文本)的新內涵，這是文本的一款「再現」：閣生湠。其他像〈月娘破相〉反過來寫李白的〈靜夜思〉；〈江雪無仝色〉翻寫柳宗元的〈江雪〉等等，會用講攏是真有想法、真有創意的文本生湠。 

「古詩反過來寫」以外，後現代的寫法猶有孽譎/諧擬的運用。〈看魚仔洗喙〉採用莊子、惠施「濠梁之辯」的寓言，將兩人為著溪溝的魚到底快樂無快樂咧諍喙的故事，用孽譎的方式改寫(翻轉經典)，講因為這兩人相諍，諍到喙瀾全波，「一直呸喙瀾欲予魚仔食/ 諍講佗一尾食著啥人的瀾較歡喜」，就是誠孽譎的改寫，目𥍉仔就共莊子寓言的正典，規个共伊破功了了；〈棋！奇〉這首用「棋」參「奇」仝音(諧音)的趣味，寫雙人行棋，戰到「干焦賰一子烏卒仔/ 徛佇河邊，金金仔相/ 貓貓仔看/ 四界，無半個人影/ 無半聲/ 叫兄弟的名」的結局，嘛誠孽譎兼好耍。這嘛會當講就是「解構」(拆解正典)的手路。 

後現代的精神，根柢是欲「去中心」，解破正典，收佇這輯的這首〈字，認無〉將這款思維寫到誠徹底： 

天坦開一張批紙
雲幾字寫好
風就趕緊摺起來
塞入去天地接縫的批內
閣挽一蕊紅花
貼蹛春天的倒手角
現時郵票
一下到
熱--人，風颱傷大無拍開
秋後霜降閣傷重
毋甘掀起
想講冬節坦開來讀
大寒煞起寒
雲翻烏，字
攏認無 

對「天坦開一張批紙/ 雲幾字寫好」開頭，到「大寒煞起寒/ 雲翻烏，字/

攏認無」，暗示所有的文本攏有無確定性、無準確性，進前「寫好」的，終其尾無的確會「攏認無」，字的意義毋是永遠攏仝款的，會綴時間的變化產生無仝的意思。這首詩自春天、熱人、秋後到冬節，用四季的改變來凸顯時間會改變文本內涵的課題，是真幼路的好詩。 

四、 

讀詩人黃徙的這本台語詩冊《台江大海翁》，是真歡喜的代誌。自來台語詩界就有濟濟詩人咧創作，嘛寫出袂少好作品，會當開闊台語詩的視野佮表現的手路。早期的台語詩，語言較平直，接近白話；技巧較簡單，變化無濟。大多數是用現實主義的寫法，寫出詩人對台灣社會、政治參自然生態的憤慨佮憂煩，感情落真深，是用真情寫出來的詩；閣來進一步有詩人發展「台語歌詩」，掌握著台語的聲韻，調製出動聽、好聽的旋律，有誠浪漫的腔口，寫出台語的媠氣。 

黃徙的這本台語詩冊，徛佇前人的基礎面頂，毋管是現實的題材，或者是浪漫的情愛、台語的聲韻，攏有十足的掌握；毋但按呢，伊閣進一步運用後現代主義的手路，翻轉出台語詩界較罕見的詩風，透過閣生湠/再現、孽譎/諧擬、解破/去中心等等技巧，開創出一片新的江山，就親像伊佇這本詩冊上尾篇〈江山咧等你〉所寫「看花免折枝/ 種子佇花心咧吐舌/ 風景佇江山/ 咧等你」仝款，花開矣，風景坦開佇眼前，一大片江山已經咧等待伊繼續去掖種！

 

──2019/07/02

讀顧德莎台語詩集《我佇黃昏的水邊等你》

 用媠氣的台語寫出詩的春天

──讀顧德莎台語詩集《我佇黃昏的水邊等你》

向陽

 

顧德莎開始用台語寫詩，是這兩三年的代誌。照伊的講法，伊自細漢就蹛佇台語生猛的菜市仔邊，讀小學三年了後搬去眷村蹛，改用華語腔口講話，一直到出社會來台北做工課，才因為去卡拉OK唱歌的關係，發現台語的媠氣，行轉來學習台語文的路頭。到了2015年，伊參加「梅山文學營」，受著路寒袖、林沉默的指導，寫出第一篇作品〈返鄉〉；2016年，伊佮朋友共組「台文讀冊會」，認真讀唸林央敏的詩集《胭脂淚》、小說《菩提相思經》，那讀那唸，那來那對台語寫作有趣味，嘛按呢開始認真台語詩的創作。 

雖然寫作的時間無長，毋過顧德莎的台語詩卻是真幼路，真有看頭。這本《我佇黃昏的水邊等你》就是伊兩三冬來創作成果的總展現，佇這本詩集內底，伊寫花草、寫感情、寫病疼、寫土地、寫眾生，透過無相仝的角度，用詩的語言描寫伊的感觸、伊的心情，遮的詩篇總數有九十外首，可見伊創作誠勤，才情誠懸，才有法度寫出遮爾濟好作品。 

顧德莎的台語詩，參濟濟台語詩人無仝的，是伊誠愛「拈花惹草」。這本詩集內底寫花的詩作，自頭到尾有袂少篇，「輯一」攏寫花草，「輯四」嘛攏是花，另外每輯嘛濟少會當看著花的形影。這是顧德莎詩篇的特色之一，自來台語詩人多數用現實主義的技巧表現社會真實，像伊按呢愛花、看花、寫花的詩人無濟，像伊按呢共每伊蕊花的色水攏表現出來的詩嘛無濟。就像〈花開的聲音〉這首詩寫的： 

每一蕊花攏有伊的色水
每一種色水，攏是春天
等下一陣風來
攑頭，徛出來 

伊將各種花寫落去詩內底，毌管普通抑奇巧，見笑草、刺查某、蓬鬆花、油桐花、燭仔花、將軍棉、七里香、瓊花……，攏寫出無仝的色水佮姿勢，予人讀著心適、快活，嘛會鼻著花的芳味，看著台語詩的春天。 

因為受著台語流行歌詞的啟示，加上顧德莎這三年來全心唸讀台語作品的關係，對台語聲調變化的體會愈深，對音樂性的把握愈強，伊有誠濟詩宛然是歌，誠適合唸讀，嘛會當譜曲做歌。紲手舉這首〈無言花〉做例： 

將欲寫的批，掛佇樹椏
一萬字會使編做幾首詩？
幾首詩會使代替
無寫出來的字？
寫佇樹頂的字
會恬恬飛落塗跤
有人看過
無人讀過
仝款葬做伙
一堆字的屍體 

花佇樹頂唌人目
花落樹跤隨人踢
自頭至尾
無聲無說 

這首詩押韻誠自然，換韻誠媠氣，「批」(phue)、「椏」(ue)、「替」(thuè)、「過」(kuè)、「伙」(hué)「尾」(bué)、「說」(sueh)，攏壓「ue」的主韻，「體」(thé) 精差無偌濟，整體唸出來有輕聲細說的感覺佮情境；主韻中間安插次韻，「字」(jī)佮「詩」(si)用「i」韻，「目」(ba̍k)佮「踢」(that)用近倚的「a」韻，互相交插、應聲，成做一篇動人的歌詩。這是顧德莎佇這本詩集內底用情用心上濟的所在，這類的詩有袂少，親像〈蓬鬆花〉、〈看雲〉、〈讀詩〉、〈寫蹛水邊的批〉、〈落落水面的花〉、〈燭仔花〉、〈花開的聲音〉、〈水照花影〉……等等攏是佳篇。 

寫花、寫雲、寫詩以外，顧德莎嘛寫病疼佮人生世事。〈佮死神行棋〉有兩篇，一篇用「圍棋」來比喻佇陰陽對決崁站的病人無依偎的疼，一篇用「象棋」來比喻病中想盡辦法共死神車拚的意志。兩篇相對照，會用哩看著詩人參破生死的生命觀點。〈浮塵眾生〉寫伊踮病房看落雨天的窗仔外的覺悟，窗外窗內攏是「勞苦」，親像「一粒浮塵 暫歇/ 往東往西 等神決定」，詩的尾段「向望浮塵/ 會使起身/ 回轉大地/ 完成一生」，寫出看破生死無常的哲理。閣較深刻的，是這首〈好日子〉： 

你問我最近好無？
無畫圖讀冊
每工食飯啉茶
佇窗內看雲搬戲
無想將來，過去 

時常一个人
綴一蕊雲
佇山路踅來踅去
雲軁過竹葉
向海的方向飛去
我的路彎彎斡斡
袂記得終點佇佗位 

我誠好，免掛意
每工攏是好日子
看雲
聽雨
等暗暝 

這是參破病疼，對人生徹底開破之詩。「每工食飯啉茶/ 佇窗內看雲搬戲/ 無想將來，過去」是一款看破生死、自得其樂的生命態度；「雲軁過竹葉/ 向海的方向飛去/ 我的路彎彎斡斡/ 袂記得終點佇佗位」，有王維「行到水窮處，坐看雲起時」，對應人生彎斡，無所驚惶的開闊；尾句「看雲/ 聽雨/ 等暗暝」特別精彩，人生的路途行到遮，已經是順其自然、順天應命的代誌。 

誠歡喜會當代先拜讀顧德莎的這本詩集。我和伊初見，是佇台北齊東詩舍，2014年中秋前一工，彼工有我的新詩講座，每禮拜一擺，前後四禮拜，伊總是按時來聽，我講新詩內底的台灣想像、講詩的四个特性，毋知對伊後來寫詩有幫贊無？總是後來就看著伊寫的台語詩作，愈寫愈猛，便寫便好。伊的台語詩集《我佇黃昏的水邊等你》得著國藝會的獎助，會使得出版，這是誠無簡單的代誌，我讀伊的近百首的詩，感覺會著伊對台語詩的深情，伊的詩毋但是講究台語用字、用詞，而且注重詩的語言、技巧參情境。這本詩集親像開佇台灣土地面頂的花蕊，用媠氣的台語寫出詩的春天。 

2019/02/17

 

 

推薦吳正任台語散文集《走揣惡地山河》

 用台文寫地誌

：推薦吳正任台語散文集《走揣惡地山河》

向陽

 

吳正任十外年來佇高雄誠濟國小、國中擔任台語文教師，用伊的教育熱情佮為台灣文化掖種、生湠的理念，奉獻予伊教的學生，伊講每一擺學期開始第一節課，攏會佇烏枋頂懸寫一句話：「語言是文化的土壤，母語是靈魂的故鄉。」用這句話來勉勵學生，可見伊傳授台語文，毋但是教囡仔學話，閣猶有傳承台灣文化的用心。伊惜花連枝，這款的精神，值得咱的敬疼。 

我對吳正任有深刻的印象，毋是伊佇國中、國校教台語文，顛倒是因為捌讀過伊寫的台語散文。這是2012年的代誌，我佮黃恆秋、董恕明合編一本母語地誌散文集《鬥陣寫咱的土地》，讀著伊所寫的〈走揣惡地山河〉(收入《2009台語文學選》)，伊透過一張百外冬前出的古地圖，按圖揣路，寫出伊行踏夢中故鄉(大崗山地區)的經過。這篇散文文字清順，充滿感情，將伊沿路所看著的地景，對照地圖面定的地名，擱也引用早期文人所寫的古典詩來印證，通講是一篇難得的地誌佳作。特別予我感動的，是伊佇文章內底寫的這段話： 

一張古地圖，美麗的山河，是我夢中的故鄉！遐的一切，不時佇我的頭殼內盤踅；對乳育我世世代代性命的母土，我永遠珍惜、感恩。畢竟，「家園」是咱性命的根源，毋管大抑細、闊抑挾，嘛毋管富裕抑散赤！ 

就是因為有這款深情，這篇〈走揣惡地山河〉表現出來的土地的愛，會當予惡地變成做柔美的家園。吳正任這篇佳作的氣力，攏展現佇這的所在。 

嘛因為按呢，吳正任用「走揣惡地山河」來做這本散文集的册名，確實有伊深沉的心意。這本冊分做兩輯，「散文輯」收二十五篇作品，攏將焦點囥佇地方文化、自然、人物佮田園頂懸，會用講是「地誌」的詩書寫。伊寫植物、寫海銀塗的傳奇、寫人物、寫布袋戲……，嘛寫〈番仔契〉(新港文書)、踏查伊能嘉矩《台灣踏查日記》的舊路──統合來看，這是台灣地誌書寫的範本，透過全面的調查、採訪，深入每一個所在，將地方的自然生態、歷史發展佮人文特色，用文學的筆寫出來，紀錄而且嘛展現地方文化的多樣性。我認為，這是吳正任這本散文集上有價值的所在。 

收佇「附錄」有四篇，包括台語唸音、囡仔劇、華台平埔語的調查參雜記等，雖罔有較雜淡薄，毋過對這本散文集的正文嘛有補充、對照的作用。其中〈Mahanru‧部落‧Mahanru〉表面上是華台平埔語的調查筆記，卻是一篇誠讚的散文，無收入去「散文輯」，可能是因為使用華文寫的關係。 

總是，我讀吳正任這本散文集，對伊用全心寫土地、用台文寫地誌的用心，會用講相當佩服。遮的散文攏毋是冊房內底的空思夢想，吳正任是一步一跤印，行踏故鄉的土地，走揣前人的跤跡，才會寫出遮呢好的作品出來。我真歡喜有機會代先讀著伊的作品，向望伊繼續寫落去，為台灣的地誌散文寫出開闊的新天地。

2018/09/30

推薦林榮淑《等待花開的小花苺》

 鼻著咱跤踏的土地的氣味

：推薦林榮淑《等待花開的小花苺》

向陽 

林榮淑的這本台語散文集《等待花開的小花苺》全文六萬外字，攏是伊六七年來用台文寫作、粒積落來的作品，有誠濟作品著過教育部、海翁台語文教育協會主辦的文學獎；嘛有誠濟作品佇台語文重要雜誌《海翁台語文學》、《台江台語文學》、《台文通訊BONG報》發表過。這攏會當看出伊的台語文創作已經得著相當的肯定，這是誠無簡單的代誌。 

這本冊的內容，根據伊家己的分類，分做四個部分：「性命的勇者」、「土地‧花情‧詩情」、「親情的呼喚」佮「美麗的傳說」(囡仔古)，用樸實的文字，真誠的態度佮幼路的觀察，寫出伊對人生、情愛參土地的深情，逐篇攏有伊對生活內層體會出來的智慧佮思考，予咱讀的人跟綴著伊的文字，進入一个充滿台灣文化感的世界，鼻著花芳，鼻著咱跤踏的土地的氣味。 

林榮淑的散文，嘛有相當的藝術性，伊的台語誠文雅，閣誠𠢕運用生活中的對話，運用講古的技巧，營造文章的氣氛，予人感覺特別心適、親切，而且會當得著真濟啟示佮感動。這是一本值得推薦的好冊。

2018/05/27

讀陳金順台語文學評論集《夜空恬靜一流星》

 做日頭，莫做流星

：讀陳金順台語文學評論集《夜空恬靜一流星》

向陽

 

台語詩人陳金順，長久以來就受著詩壇注目，伊的詩作毋管是書寫台灣的美景、人文的多樣，或者是關照社會現實、批判政治議題、追討歷史真相，攏展現出伊對台灣深沉的愛。讀伊的詩，總是會感覺，佇伊優雅的詩句內底，有一粒活跳跳的心。 

除了詩創作以外，陳金順猶是一位優秀、有見解的文學評論者。伊誠早就開始評論工課，特別是針對台語文學的理論、歷史佮發展，寫出濟濟文章。伊關照的層面誠開闊，對台語詩的評論，到台語政治小說、女性文學、旅行書寫、文學史，參Siraya族文學等等的課題，伊攏認真研讀、討論，會當提出伊的觀點佮主張。收佇這本評論集的文章，就是伊遮爾濟冬以來拚勢研究的成果。 

這本評論集分做兩卷，上卷以評論為主，收入伊對台語文學作家作品的評論文字。伊評方耀乾的詠史詩、林文平詩作品的手路、楊焜顯的人物詩、陳潔民的愛情詩、胡民祥的小說，攏深入文本，講甲真幼路；伊用「風裡的花蕊」形容戰後台語女性文學、用「飛過太平洋的渡鳥」來形容胡民祥的文學生命、用「夜空恬靜一流星」來譬喻《島鄉台語文學》這本雜誌的總體精神，真奇巧，嘛真穩當，會使得看出伊遮的評論內底，理性思維透濫感性語言的媠氣。 

下卷收四篇學術論文，焦點囥佇「Siraya書寫」、「大河小說」、「旅行散文」、「政治小說」這四个關鍵詞面頂。這四篇論文寫甲誠認真，毋但規格符合學術論文要求，而且每一篇攏有伊個人的觀點和見解，看會出來陳金順想欲起造伊的台語文論述體系的用心。伊對論題真斟酌，參考的文獻、腳注嘛真齊全、詳細，提出的結論有參考價值。讀這四篇論文，會當予咱清楚認捌當前台語文學書寫的熱門課題佮焦點。在我來看，這就是陳金順這本評論集上重要的所在。 

我誠歡喜會當代先拜讀陳金順這本評論集。金順的詩，我真愛讀；無疑悟伊的文學評論嘛寫甲遮深刻、遮幼路。佇台語文學這條坎坎坷坷的路途面頂，陳金順毋但寫詩、閣編雜誌，教冊以外、猶閣用心做學問，這是誠無簡單的代誌。向望金順繼續用伊的筆尖寫落去，為台語文學寫出閣較濟論述，起造閣較嚴密的體系，予對台語文學猶有偏見的論者知所不足，認捌修正。

這是金順的第一本評論集，我向望伊繼續出第二本、第三本……；向望伊佇未來台語文學的論述領域做日頭，莫做流星。

2017/07/02

讀陳維斌《台語歌曲集郷土篇》

 傳承台灣的聲音

：讀陳維斌《台語歌曲集郷土篇》

 

向陽

 

我與醫生、詞人陳維斌兄初識於2009年6月，應他的邀請，到日本東京參加台灣語文研究會的活動，發表演講。當時的維斌兄在東京執業，工作繁忙，但仍撥出甚多時間，陪我與內子方梓走訪東京。閒談中，我方才知道，他不僅是一位優秀的牙醫，同時也為《當代雜誌》寫專欄，博學多識；更讓我驚喜的是，他也寫了不少受到喜愛的台語歌，還能自彈自唱，登台演出，可說是一位跨越領域、博學多才的才子。 

事實上，就在這之前一年，2008年，他就以〈桐花圓舞曲〉歌詞入圍了第19屆金曲獎傳統暨藝術音樂類最佳作詞人獎，是當年入圍的唯一一首台語歌詞。他當時人在日本，執業之餘，夜深人靜之際創作台語歌詞，一定十分寂寞，在沒有同好分享的環境下，他的〈桐花圓舞曲〉能打敗眾多台語歌詞創作者，入圍金曲獎，顯見這首歌詞意境的特出和文采的優秀。 

回台後，我與維斌兄仍保持時斷時續的聯繫，他回台開業之後，我們又一次相聚，他興奮地告訴我，他仍持續寫作，並且要將這十多年所寫的台語歌詞，連同諸多作曲家譜成的曲編成《台語歌曲集郷土篇》，在自己的故鄉舉辦音樂會，加以推廣。我知道，對維斌兄來說，這些精心撰寫的歌詞就是他的愛、他的生命，來自他對台灣這塊土地的愛，也來自他內心最深沉的、最真誠的聲音。我在YouTube上聽他的眾多傑作，或者由合唱團演唱，或者由他自彈自唱，都感覺到這些來自他生命的台語歌，有著美麗的色澤、溫暖的色調，優雅而又悠揚，足以燙平悲傷的心。 

收在這本教材中的十首台語歌詞，正是如此。得獎的〈桐花圓舞曲〉以台灣常見的桐花為題材，在不斷「旋」飛的舞姿中，細膩地表現了桐花飛舞下情人之間浪漫的、關懷的愛；「一蕊花，五款心」，結在一起就是「愛你的心」，更見迴腸盪氣。而歌詞的雅緻、意境的高超，更是今日台語流行歌所缺乏；另一首〈濁水溪溪水濁〉，以台灣最長、最大的河流濁水溪為主題，歌頌濁水溪和台灣土地、歷史、人文的關係，強調斯土斯民的情愛，尤其動人心弦。 

我也喜愛他的〈春天永遠佇你身邊〉，這首詞分三段，每段都以「春風」開頭，結尾分別是「春天是你的戀歌」、「春天是你的胭脂」、「春天是你的美衫」，展演了美麗愛情的三種款式，讓人低迴讚嘆；〈祝福〉也是，這首詞的寫法用生活中的語言，不加矯飾，因此更見真誠，尤其末句「祝福你會得到上光彼粒星，祝福你唱出上美的聲音」更是傳神動人。他如〈爸爸威風〉的諧趣，寫出孩童的父親的愛；〈躡腳尾〉的童趣，寫出對祖母的想念；〈見笑〉的深情，寫出單戀者對情人的盼望；還有〈放天燈〉對天地的誠摯感念，都深刻描繪了人間有情的可貴。 

一如維斌兄在〈我是音樂家〉這首詞中所寫，他的詞語他的歌，要傳達的就是「互世界充滿了愛」；他的創作，要的是「怨仇互伊化愛情，悲傷憂愁放一邊」。我在他的歌詞中看到「月光歡喜放煙花，天地灑到滿四界」的歡喜快樂，

聽到這些「來自內心的聲音」、「上蓋真誠的聲音」中，傳承的也是最最台灣的聲音。

2015/04/12