讀黃徙台語詩冊《台江大海翁》

 翻轉台語新詩風

──讀黃徙台語詩冊《台江大海翁》

向陽

 

一、 

詩人黃徙近年以來寫袂少台語詩作，伊的台語詩用字用詞攏誠媠氣，而且會當照顧著詩的美學要求，佇台語音韻的掌握、雅言的運用佮意象的處理面頂，攏有真奇巧的表現。這本詩冊《台江大海翁》會用講就是伊的台語詩總體的成果展現。 

《台江大海翁》規本分做4卷，收入130首台語現代詩，創作量比較起來誠驚人，顯然黃徙這幾冬來全精神拚勢去做的代誌，就是寫作台語詩。佇這本新冊內底，伊寫人間世事的愛佮恨、生離佮死別，嘛寫咱人生存在世的生命觀，遮的詩篇攏收佇卷一「輪迴倒轉來」這輯內底，論真來看，每一首詩篇攏有詩人的身影，是詩人生活、生命佮伊的受、想、行、識的透露。30首詩的主題，就題目來看，量其約掠一下，有「愛恨情仇」、「生死檔案」、「生離死別」、「酒色財氣」、「日常生活」(油鹽柴米酒茶醋)、「火的一生」等六个層面。這六个層面嘛就是咱人活踮這个世界攏著面對的代誌，伊分開用主題的角度來寫，的確會當較深入、較詳細將生活的細節、生命的意義突顯出來。 

伊寫日常生活特別予人有感慨。親像這篇〈鹽：莫閣出世蹛海邊〉： 

覆佇平地
無日頭嘛金爍爍
跁上山頂
無落雪也白熠熠
來到古井看著家己
明明有鋩有角
光線照著嘛七彩色
是按怎無人叫你璇石 

你無生跤按怎地球走透透
無生目睭按怎知影好額人嫌傷鹹
散赤人嫌你傷重
一布袋換無三占錢
一粒田螺九碗湯
按呢過三頓，我是你
莫閣出世蹛海邊
人咧耍水袂去想著你 

這首詩用佮鹽講話的方式，寫出生做「鹽」的悲哀，「一布袋換無三占錢/ 一粒田螺九碗湯」，深刻寫出「鹽」成做「俗物」的卑賤、海邊漁民食飯攪「鹽」的困苦。另外，像〈醋：有糖就好唌〉這篇： 

醋攏會覕佇酒後壁
等查埔人醉啦
才雄雄掠狂走出來
酒若閣發酵
醋就會愈來愈囂俳
你無假死講伊上媠袂使
上好，像花蕊共春天司奶
像焦枝向雨水討欲暴穎
醋，伊
有糖有甜就好唌
媠查某囡仔
恁講有影無影 

這是用孽譎仔話寫的詩，詩人將酒佮醋用查埔佮查某的情愛關係來寫，「像花蕊共春天司奶/ 像焦枝向雨水討欲暴穎」，形容鮮沢，誠無簡單。 

二、 

來到卷二仝款30首，卷名號做「黃昏隔壁等你」。30首詩篇攏是地誌詩，主要是描寫咱台灣西海岸的光景參風土的媠。地誌詩佇台語詩的寫作，算來已經有誠長的歷史，自1920年代蔡培火寫〈咱台灣〉到今，濟濟詩人就用詩來寫土地、寫地景。黃徙這輯詩篇，寫了真優美，有聲韻的媠，嘛有景緻的媠，開頭第一篇〈上媠的風景〉就盡展出來矣：

黃昏會媠是日頭欲離開
閣伸手共人搝牢牢
行袂開跤，一直翻頭
共滴落塗沙的目屎
一滴一滴
唚予焦

海岸會媠是漁船仔欲轉來
海湧十八相送到岸墘
船聲慢慢仔倚來
船影跳上岸開始纏
纏甲查某人伊規身軀 
賰兩粒澹澹的目睭

阿公的喙鬚披佇八仙椅做手挲
阿媽的喙瀾
含佇孫仔跋倒的影做糊藥
阿爸的手，摸著箸籠
就知影輕重
一間厝有序大人
照起工拍開門窗
予春夏秋冬入來陪囡仔大漢
按呢，敢是上媠的風景 

這首詩自黃昏、海岸的媠寫起，收煞佇阿公、阿媽、阿爸遮的序大人「陪囡仔大漢」的親情，情深意厚，土地佮親情滿載，溫情十足。伊寫〈西螺彼扇窗仔門〉，講西螺大橋是「濁水溪的目睭」，形容真四配；伊寫大甲溪，用「一早起日光共妳幔一領衫/ 左肩右肩攏平輕/ 四箍輾轉山景穿上身/ 坐落，萬紫千紅佇外面/ 花叫鳥聲，聲聲上桌頂/ 大喙大喙共食落/ 菜根花心叫疼，大甲溪/ 幸福的名」，宛然若歌，讀來心適閣好聽；伊嘛寫新社的花海、卓蘭大峽谷、七股海墘、北門井仔跤、鰲鼓半島、桃園沿海的藻礁、汐止磐石嶺……，一路寫到台江，寫道詩人的故鄉四草──遮的詩攏充滿感情，有對土地誠深沉的感恩參意愛。 

紲落來卷三「台江大海翁」35首詩，延續卷二的寫作，題材囥佇台灣西海岸討海人討海掠魚、養殖的形影佮心聲。伊寫牽虱目魚、牽罟、掛網笱、拋手網、吊罾的討海圖，嘛寫討海人探更寮仔、跳烏、掠鰻仔栽、通溝、攄魚栽的生活，攏是台語詩誠少寫著的題材。遮的詩作，毋但是地誌詩的延伸，嘛是台灣海洋詩的佳作，開闊台灣海洋文學的內涵，有特別重大的意義。 

三、 

煞尾卷四「江山咧等你」35首，就詩論詩，是這本詩冊上精彩的所在。這輯的詩篇，充滿各種奇巧的變化，嘛有誠濟脫出台語詩創作箍圍仔的全新表現。親像古詩反過來寫的技巧運用，展現台語詩創作的新思維參新形式。其中，干焦「古詩反過來寫」系列詩作就有10首，第1首〈敢會杜甫咧臭彈〉按呢寫： 

花，濺淚，921
沿路，澹糊糊
叫聲閣黏佇爛塗
等江山裂開，册拆散
句句才有當聽 

心，著驚，小林村
規逝，鳥隻綴著飄流木
一離別隨到枉死城
毋知影這改出來，底當時
才閣會當倒轉去厝內 

猶未到烏暗的盡磅
看無任何火燒過的影
聽無白頭毛落落的聲
是按怎？見著花蕊
濺淚若濺水 

敢會杜甫咧臭彈？ 

這首詩用中國古詩人杜甫名作〈春望〉做伊的文本，針對杜詩「感時花濺淚，恨別鳥驚心」這兩句來反寫；黃徙用1999年921大地動佮2009年莫拉克風颱小林村滅村的災情，寫出比「花濺淚」、「鳥驚心」閣較悽慘的世紀災難，每一句攏是沉重的喝咻之聲。「反過來寫」一方面是「反」杜詩「敢會杜甫咧臭彈」，表示921地動佮小林村滅村災情的慘重，連「花濺淚」、「鳥驚心」攏無法杜形容；另外一方面是，用後現代的筆法，翻轉杜詩(成做文本)的新內涵，這是文本的一款「再現」：閣生湠。其他像〈月娘破相〉反過來寫李白的〈靜夜思〉；〈江雪無仝色〉翻寫柳宗元的〈江雪〉等等，會用講攏是真有想法、真有創意的文本生湠。 

「古詩反過來寫」以外，後現代的寫法猶有孽譎/諧擬的運用。〈看魚仔洗喙〉採用莊子、惠施「濠梁之辯」的寓言，將兩人為著溪溝的魚到底快樂無快樂咧諍喙的故事，用孽譎的方式改寫(翻轉經典)，講因為這兩人相諍，諍到喙瀾全波，「一直呸喙瀾欲予魚仔食/ 諍講佗一尾食著啥人的瀾較歡喜」，就是誠孽譎的改寫，目𥍉仔就共莊子寓言的正典，規个共伊破功了了；〈棋！奇〉這首用「棋」參「奇」仝音(諧音)的趣味，寫雙人行棋，戰到「干焦賰一子烏卒仔/ 徛佇河邊，金金仔相/ 貓貓仔看/ 四界，無半個人影/ 無半聲/ 叫兄弟的名」的結局，嘛誠孽譎兼好耍。這嘛會當講就是「解構」(拆解正典)的手路。 

後現代的精神，根柢是欲「去中心」，解破正典，收佇這輯的這首〈字，認無〉將這款思維寫到誠徹底： 

天坦開一張批紙
雲幾字寫好
風就趕緊摺起來
塞入去天地接縫的批內
閣挽一蕊紅花
貼蹛春天的倒手角
現時郵票
一下到
熱--人，風颱傷大無拍開
秋後霜降閣傷重
毋甘掀起
想講冬節坦開來讀
大寒煞起寒
雲翻烏，字
攏認無 

對「天坦開一張批紙/ 雲幾字寫好」開頭，到「大寒煞起寒/ 雲翻烏，字/

攏認無」，暗示所有的文本攏有無確定性、無準確性，進前「寫好」的，終其尾無的確會「攏認無」，字的意義毋是永遠攏仝款的，會綴時間的變化產生無仝的意思。這首詩自春天、熱人、秋後到冬節，用四季的改變來凸顯時間會改變文本內涵的課題，是真幼路的好詩。 

四、 

讀詩人黃徙的這本台語詩冊《台江大海翁》，是真歡喜的代誌。自來台語詩界就有濟濟詩人咧創作，嘛寫出袂少好作品，會當開闊台語詩的視野佮表現的手路。早期的台語詩，語言較平直，接近白話；技巧較簡單，變化無濟。大多數是用現實主義的寫法，寫出詩人對台灣社會、政治參自然生態的憤慨佮憂煩，感情落真深，是用真情寫出來的詩；閣來進一步有詩人發展「台語歌詩」，掌握著台語的聲韻，調製出動聽、好聽的旋律，有誠浪漫的腔口，寫出台語的媠氣。 

黃徙的這本台語詩冊，徛佇前人的基礎面頂，毋管是現實的題材，或者是浪漫的情愛、台語的聲韻，攏有十足的掌握；毋但按呢，伊閣進一步運用後現代主義的手路，翻轉出台語詩界較罕見的詩風，透過閣生湠/再現、孽譎/諧擬、解破/去中心等等技巧，開創出一片新的江山，就親像伊佇這本詩冊上尾篇〈江山咧等你〉所寫「看花免折枝/ 種子佇花心咧吐舌/ 風景佇江山/ 咧等你」仝款，花開矣，風景坦開佇眼前，一大片江山已經咧等待伊繼續去掖種！

 

──2019/07/02

讀《王勇截句2：詩舞人間》

 靈光四射

：讀《王勇截句2：詩舞人間》

 

向陽

 

    以自創「閃小詩」聞名的菲律賓華文詩人王勇兄，繼《王勇小詩選》、《王勇閃小詩》、《閃小詩3‧千島望星海》、《王勇截句》之後，又將出版《王勇截句2：詩舞人間》將出，無論名為「小詩」、「閃小詩」或「截句」，基本上都屬傳統「小詩」，即十行以內，百字以下的短製，差別在行數的不同，十行如我在三十多年前寫的「十行詩」，八行如岩上，六行如林煥彰，五行如白靈，二行如瓦歷斯‧諾幹近年推廣的「二行詩」，四行如這一兩年不少詩家趨之若鶩的「截句」，基本上，這些小詩都力求在短小的篇幅中展現詩人駕馭語言、發揮想像、獨造境界的能力，行數愈少，限制愈大、艱難愈增，但看詩人才情。 

    王勇以小詩創作見長，小詩於他，如魚得水，如鳥飛天，絕非難事。他的《閃小詩3‧千島望星海》出版時，我曾撰文推薦，說他的閃小詩「篇篇出色、耐讀，展現了王勇在小詩書寫上的閃亮成果，放置在全球華文詩的小詩場域之中，光華晶瑩，絕不遜色。」後來他開始「截句」創作，前一本《王勇截句》和這本《王勇截句2：詩舞人間》正是他展現長才的具體成果。 

    從獨門絕活「閃小詩」到從眾新寫「截句」，王勇在《王勇截句》自序中提到，他認可「截句」與「閃小詩」的美學契合，因而「刻意把閃小詩寫成以四行為上限，符合截句規制」，「呼應截句熱潮」；不同的是，他的「截句」全屬新創，「沒有截自舊作」。在我來看，詩貴新創，以斬截舊作為四行的方式而為之的「截句」固有一些道理，但「借屍還魂」的結果，恐怕只會自揭「舊屍」之腐，難見「新作」之魂，王勇強調「新創」是有道理的。 

    這本《王勇截句2：詩舞人間》共收四行「截句」196首，寫作時間從2018年6月到12月半年間，以半年時間寫出近兩百首四行短詩，也可以說明他因閃小詩的長久創作，已經對於短製之詩游刃有餘；這些短製，都在五十字內，只要靈光出現，創意一來即可書寫，沒有時間、場所或工具(如紙筆可以手機取代)的限制，加上王勇的詩心詩興，因而有如此豐收，自可理解。 

    正如同詩集之名「詩舞人間」所示，這196首小詩，主要以人間行踏的聞見行識為題材，王勇順手拈來，將日常生活中的感悟寫入詩行之中，因此格外動人，如開卷之詩〈忙〉：「落葉習慣抄襲昨日的腳印/ 風拭擦著撩草的街道/ 把追趕時間的上班族/ 推出午門」，秋風掃落葉的街道上，匆促推門而出趕赴公司上班的上班族神情，用「推出午門」四字，力道十足；又如〈尋根〉：「擰開水龍頭/ 噴湧滿腔的熱淚/ 淚洗茶葉，洗出/ 遠山蜿蜒的歸徑」，從「水龍頭」到「歸徑」的意象轉化，如神來之筆，寫出歸鄉者的滿腔鄉愁。這樣的語言與意象處理，都顯現了王勇小詩的晶瑩剔透。 

    王勇的小詩也擅長以諧謔的語言針砭現實社會。〈回答〉這首詩描述的是社會險峻，人生實難的窘境：「向著穹宇大聲喊話/ 天上墜下一句句諾言/ 淋得我滿臉都是/ 百味滲雜的唾沫」，呼天天不應算甚麼？諾言彷如唾沫，寫出了險惡的社會真實；〈提線木偶〉寫現實中常見的狐假虎威的傀儡型人物：「登上舞臺便邁開闊步/ 耀武揚威，發號施令/ 背後的線一鬆/ 你就攤成爛泥」，更是入木三分；〈讀報〉寫媒體亂報：「飛來刀槍飛來唾沫/ 飛來緋聞飛來狗仔的鼻子/ 慌忙丟下染黑手指的報紙/ 我把眼睛深深埋入掌紋」，寫出了媒體亂象染黑社會視聽的無奈。類似這樣的作品多半精彩動人，讀者無妨細品。 

    除此之外，王勇這本詩集對於心靈世界的深掘也頗可觀。小詩以靈光乍現，意蘊無窮為上品，在這本詩集中，所在皆有。〈換季〉：「老樹脫光葉子/ 裸坦身體，迎向/ 入秋的刑場/ 立雪的老僧拈梅微笑」從秋決到立雪，透過一株老樹/ 一個老僧的形象轉換，就把禪的生命哲學(放下)微妙點出，靈光入詩，容人咀嚼；「天秤」：「提一顆心踏上去/ 總是稱不平世界/ 只因，心/ 生來就偏」一語道破公平與正義之所以難尋，正在人人難免偏心與私心的病灶；又如〈受罪〉：「任人踐踏的影子/ 從來不會感到疼痛/ 倒是用力過猛的/ 腳，痛得跳腳」，繼寫出人與影子(實與虛)的辯證關係，也寫出人生哲理(如老子的柔剛之論)。 

    這本詩集的詩作，語言老到，創意與想像則新穎奇絕。一如編號66的這首〈字辯〉： 

在稿紙的背面寫字
正字壓著反字，字字糾結 

在歷史的稿紙上
字也想撥亂反正 

    字的力量，就是語言的力量，詩人以〈字辯〉寫出文字想要「撥亂反正」於歷史和世界的企圖；從另一個面向來看，「正字壓著反字」也暗喻了歷史和世界是在正字(正史)和反字(野史)不斷辯詰、修正的過程中形成。當代新史學家海登‧懷特（Hayden White）在他的名著《元史學》中強調歷史的虛構性，認為歷史乃是由史觀不同的史家根據各自的想像構築而成。王勇此詩，短短四行，就寫出此一歷史真實，通澈而發人省思。   

    讀王勇這本詩集，看到了他在小詩語境上的不斷提升、不斷嘗試，從小詩、閃小詩到加入「截句」的創作行列，他的小詩，已不僅止於靈光乍現，在我來看，還到了靈光「四」射的境界──他以多數是四行的截句，在極短的篇幅中，提供給讀者的，除了生命的體悟、心靈的閃光之外，還有一個小小的、自足的宇宙，充盈各種不同的、多維的想像空間，讓人回味無窮。 

──2019/05/22

朱宥任散文集《沖繩不一樣》推薦序

 台灣文學與沖繩的相遇

：朱宥任散文集《沖繩不一樣》推薦序

向陽

 

以棒球文學成名的青年小說家朱宥任，又有新著誕生了，但這次不是繼《好球帶》、《地下全壘打王》之後的棒球小說，而是一本全新且實地駐在一整年的旅行散文，一如書名《沖繩不一樣》，寫的是他於2017到2018年以公費留學生身分前往日本沖繩縣遊學的旅行記事；雖說性質是遊學和旅行書寫，不過有關日本棒球運動書寫在這本散文集中仍多有篇章，要說這是一本棒球散文集亦無不可。 

朱宥任這本書中的散文，有小說風。他喜愛使用對話，擅長敘事，讀來讓人感到津津有味，人物形象鮮明，故事細節繁複，每一篇散文可說就是一則動人的故事。從首篇〈面試〉開始，到末篇〈和平祈念、姬百合、對馬丸〉，全書三十二篇作品，娓娓敘說他在沖繩旅行/ 生活一整年的見聞、踏查，讓我們讀來如聽一則一則充滿魅力的沖繩故事，讓我們對鄰近而又陌生、習稱為「琉球」的沖繩，添增了全新的深刻的印象，增長了對沖繩文化與歷史的認識。我以為這是本書最為可貴之處。 

他寫在那霸球場觀賞高校野球賽、職棒、地方決賽的過程，細緻深刻，棒球書寫是他的專長，行家文筆，自是可觀；他寫參加沖繩獨有的慰靈紀念日所見、

他寫沖繩離島伊江島三日旅行所見、都圍繞在二戰前後沖繩遭受戰爭的傷痛，以及對於和平的祈願；他寫沖繩出身的史上第一位日本職棒選手金城政夫、在沖繩棒球運動史上影響極大的栽弘義教練、曾經捲起沖繩棒運「興南旋風」的我喜屋優、沖繩出身的前職棒投手安仁屋宗八……，僅細緻描繪他們從選手到教的人生故事，也生動帶出了沖繩的棒球運動史；他也寫前半年在琉球大學、後半年在東洋企劃印刷編輯部實習的生活，特別是協助《momoto》雜誌的編輯作業，通過實際融入學習和實習的諸多篇章，寫出了台日文化之間的諸多差異。 

除此之外，〈琉球王國的大航海時代〉、〈琉球王國與傳說〉、〈島津入侵與琉球之風〉、〈命運的張子〉等多篇，描述沖繩的歷史、傳說與人文；〈沖繩麵由來〉、〈餐桌上的沖繩〉寫沖繩的飲食；〈島唄與宮澤和史〉、〈沖繩雜記〉、〈和平祈念、姬百合、對馬丸〉寫二戰的沖繩戰爭以及「和平祈念館」、「姬百合紀念館」的歷史追思──這些集中於本書後半的長文，都顯現了朱宥任對於沖繩歷史文化的高度關注，也透過他的筆帶領我們進入沖繩的歷史長廊，而不僅止於觀光、採買、行踏的浮光掠影。 

這本散文集讓我們看到了真的不一樣的沖繩，一部分是棒球的沖繩，一部分是歷史的沖繩，這大概是台灣作家以沖繩見聞為題材首寫的散文集吧，他花費了一年時間，在沖繩留學、工作，深入沖繩社會、接觸人們，從而能看到作為觀光客或一般旅人的我們看不到的沖繩內在，他爬梳沖繩歷史、人文和棒運的這些篇章，標示了台灣文學與沖繩的首次相遇。他的書寫，也在這裡迸出了火花，產生了意義。

──2019/03/13

讀顧德莎台語詩集《我佇黃昏的水邊等你》

 用媠氣的台語寫出詩的春天

──讀顧德莎台語詩集《我佇黃昏的水邊等你》

向陽

 

顧德莎開始用台語寫詩，是這兩三年的代誌。照伊的講法，伊自細漢就蹛佇台語生猛的菜市仔邊，讀小學三年了後搬去眷村蹛，改用華語腔口講話，一直到出社會來台北做工課，才因為去卡拉OK唱歌的關係，發現台語的媠氣，行轉來學習台語文的路頭。到了2015年，伊參加「梅山文學營」，受著路寒袖、林沉默的指導，寫出第一篇作品〈返鄉〉；2016年，伊佮朋友共組「台文讀冊會」，認真讀唸林央敏的詩集《胭脂淚》、小說《菩提相思經》，那讀那唸，那來那對台語寫作有趣味，嘛按呢開始認真台語詩的創作。 

雖然寫作的時間無長，毋過顧德莎的台語詩卻是真幼路，真有看頭。這本《我佇黃昏的水邊等你》就是伊兩三冬來創作成果的總展現，佇這本詩集內底，伊寫花草、寫感情、寫病疼、寫土地、寫眾生，透過無相仝的角度，用詩的語言描寫伊的感觸、伊的心情，遮的詩篇總數有九十外首，可見伊創作誠勤，才情誠懸，才有法度寫出遮爾濟好作品。 

顧德莎的台語詩，參濟濟台語詩人無仝的，是伊誠愛「拈花惹草」。這本詩集內底寫花的詩作，自頭到尾有袂少篇，「輯一」攏寫花草，「輯四」嘛攏是花，另外每輯嘛濟少會當看著花的形影。這是顧德莎詩篇的特色之一，自來台語詩人多數用現實主義的技巧表現社會真實，像伊按呢愛花、看花、寫花的詩人無濟，像伊按呢共每伊蕊花的色水攏表現出來的詩嘛無濟。就像〈花開的聲音〉這首詩寫的： 

每一蕊花攏有伊的色水
每一種色水，攏是春天
等下一陣風來
攑頭，徛出來 

伊將各種花寫落去詩內底，毌管普通抑奇巧，見笑草、刺查某、蓬鬆花、油桐花、燭仔花、將軍棉、七里香、瓊花……，攏寫出無仝的色水佮姿勢，予人讀著心適、快活，嘛會鼻著花的芳味，看著台語詩的春天。 

因為受著台語流行歌詞的啟示，加上顧德莎這三年來全心唸讀台語作品的關係，對台語聲調變化的體會愈深，對音樂性的把握愈強，伊有誠濟詩宛然是歌，誠適合唸讀，嘛會當譜曲做歌。紲手舉這首〈無言花〉做例： 

將欲寫的批，掛佇樹椏
一萬字會使編做幾首詩？
幾首詩會使代替
無寫出來的字？
寫佇樹頂的字
會恬恬飛落塗跤
有人看過
無人讀過
仝款葬做伙
一堆字的屍體 

花佇樹頂唌人目
花落樹跤隨人踢
自頭至尾
無聲無說 

這首詩押韻誠自然，換韻誠媠氣，「批」(phue)、「椏」(ue)、「替」(thuè)、「過」(kuè)、「伙」(hué)「尾」(bué)、「說」(sueh)，攏壓「ue」的主韻，「體」(thé) 精差無偌濟，整體唸出來有輕聲細說的感覺佮情境；主韻中間安插次韻，「字」(jī)佮「詩」(si)用「i」韻，「目」(ba̍k)佮「踢」(that)用近倚的「a」韻，互相交插、應聲，成做一篇動人的歌詩。這是顧德莎佇這本詩集內底用情用心上濟的所在，這類的詩有袂少，親像〈蓬鬆花〉、〈看雲〉、〈讀詩〉、〈寫蹛水邊的批〉、〈落落水面的花〉、〈燭仔花〉、〈花開的聲音〉、〈水照花影〉……等等攏是佳篇。 

寫花、寫雲、寫詩以外，顧德莎嘛寫病疼佮人生世事。〈佮死神行棋〉有兩篇，一篇用「圍棋」來比喻佇陰陽對決崁站的病人無依偎的疼，一篇用「象棋」來比喻病中想盡辦法共死神車拚的意志。兩篇相對照，會用哩看著詩人參破生死的生命觀點。〈浮塵眾生〉寫伊踮病房看落雨天的窗仔外的覺悟，窗外窗內攏是「勞苦」，親像「一粒浮塵 暫歇/ 往東往西 等神決定」，詩的尾段「向望浮塵/ 會使起身/ 回轉大地/ 完成一生」，寫出看破生死無常的哲理。閣較深刻的，是這首〈好日子〉： 

你問我最近好無？
無畫圖讀冊
每工食飯啉茶
佇窗內看雲搬戲
無想將來，過去 

時常一个人
綴一蕊雲
佇山路踅來踅去
雲軁過竹葉
向海的方向飛去
我的路彎彎斡斡
袂記得終點佇佗位 

我誠好，免掛意
每工攏是好日子
看雲
聽雨
等暗暝 

這是參破病疼，對人生徹底開破之詩。「每工食飯啉茶/ 佇窗內看雲搬戲/ 無想將來，過去」是一款看破生死、自得其樂的生命態度；「雲軁過竹葉/ 向海的方向飛去/ 我的路彎彎斡斡/ 袂記得終點佇佗位」，有王維「行到水窮處，坐看雲起時」，對應人生彎斡，無所驚惶的開闊；尾句「看雲/ 聽雨/ 等暗暝」特別精彩，人生的路途行到遮，已經是順其自然、順天應命的代誌。 

誠歡喜會當代先拜讀顧德莎的這本詩集。我和伊初見，是佇台北齊東詩舍，2014年中秋前一工，彼工有我的新詩講座，每禮拜一擺，前後四禮拜，伊總是按時來聽，我講新詩內底的台灣想像、講詩的四个特性，毋知對伊後來寫詩有幫贊無？總是後來就看著伊寫的台語詩作，愈寫愈猛，便寫便好。伊的台語詩集《我佇黃昏的水邊等你》得著國藝會的獎助，會使得出版，這是誠無簡單的代誌，我讀伊的近百首的詩，感覺會著伊對台語詩的深情，伊的詩毋但是講究台語用字、用詞，而且注重詩的語言、技巧參情境。這本詩集親像開佇台灣土地面頂的花蕊，用媠氣的台語寫出詩的春天。 

2019/02/17